Хабзэ зэрэхъугъэу, адыгабзэмрэ тхыбзэмрэ я Мафэ ипэгъокӀэу Адыгэ къэралыгъо университетым и Лъэпкъ факультет Дунэе Ӏофтхьабзэу «АДЫГЭ ДИКТАНТ» зэхещэ. Мы илъэсым ар я V-у гъэтхапэм и 11-м атхыщт, мафэм сыхьатыр 12-м рагъэжьэщт.
ШӀоигъоныгъэ зиӀэхэр АКъУ-м Адыгэ филологиемрэ культурэмрэкӀэ ифакультет урамэу Пушкиным ыцӀэ зыхьырэм иунэу N 260-м рагъэблагъэх. Онлайн шӀыкӀэм тетэу зытхынэу фаехэм апае эфир занкӀэ щыӀэщт, университетым иютуб канал мы ссылкэмкӀэ ихьанхэ алъэкӀыщт: https://www.youtube.com/lӏve/D3566MӀuFH?feature=share
ЛъэкъуацӀэр кӀэтхэгъэныр шӀокӀ имыӀэу щытэп, зыкъэзыгъэлъэгъонэу фэмыехэм зыфэе цӀэр ратхэн алъэкӀыщт, зэкӀэми унэе кодхэр афашӀыщтых. Анахь дэгъоу тхагъэхэм ацӀэхэр къараӀощтых.
Зэратхыщт ыкӀи зэрауплъэкӀущт шӀыкӀэр тхэныр рамыгъажьэзэ къафаӀотэщт. Диктант Ӏэпэрытхым техыгъэ сурэтыр телефон номерэу: +7 (962) 766-10-84-м и WhatsApp рагъэхьажьынэу щыт.
Диктантыр зэритхыгъэр къэзыушыхьатрэ тхылъ фаем мы ссылкэмкӀэ зыкъигъэнэфэнэу щыт:
https://forms.yandex.ru/u/63ef63605056903b25b08826/
Адыгабзэр зикӀэсэ пстэури гъэтхапэм и 11-м сыхьатыр 12-м къырагъэблагъэх. УпчӀэ зиӀэр телефон номерэу: +7 (961) 828-40-63-м теон амал иӀ.
